Sögusteinninn: Þjóðhættir í Hulduheimi er frábær viðbót á íslenskum bóka- og smáforritamarkaði. Um er að ræða skemmtilega, fróðlega og gagnvirka leikjabók fyrir krakka á aldrinum 6-10 ára. Sagan skiptist í 11 myndskreytta kafla sem í senn er hægt að lesa, hlusta á og veiða fróðleik úr. Í hverjum kafla birtist leikjaþraut sem gerir lesanda kleift að vera þátttakandi í söguþræðinum. Auk þess að vera kjörið lesefni fyrir börn veitir leikjabókin innsýn í íslenskan þjóðmenningararf.

Stjörnuskífan er sérhönnuð og myndskreytt rafbók fyrir Apple-spjaldtölvur þar sem skáldskapur blandast við þrautir og fróðleik; spennandi ævintýri og saga vísindanna renna saman. Sagan fjallar um tvo unglinga í samtímanum, hinn íslenska Gunnar og hina íröksku Leylu, ævintýri þeirra og tímaflakk. Í hverjum kafla liggur fyrir þraut sem tengist sögunni og uppfinningunum. Alls eru þetta fjórtán litlir tölvuleikir, sérhannaðir fyrir leikjabókina. Auk þess inniheldur Stjörnuskífan mikinn fróðleik sem hægt er að veiða úr textanum.

Dýr í hættu er gagnvirkt námsefni í tölfræði fyrir börn á aldrinum 9-12 ára þar sem notandi fer í hlutverk aðstoðarmanns vísindastofnunar sem vinnur við að rannsaka og skrásetja líf og umhverfi dýra í útrýmingahættu. Forritið er byggt upp á raunhæfum verkefnum í tölfræði og nýtist best sem viðbótarefni við hefðbundna tölfræðikennslu. Þema forritsins er dýr í útrýmingarhættu og það er fullt af upplýsingum um dýr og umhverfismál. Það hentar því vel í þemavinnu um umhverfismál eða dýrafræði, eða sem afþreying fyrir krakka sem hafa áhuga á dýrum.
Kaflarnir eru eftirfarandi: Ísbirnir, Leðurskjaldbökur, Pöndur, Nashyrningar, Górillur, Tígrisdýr, Staða tegunda, Náttúra í hættu og Veiðiþjófar.
Farið er í eftirfarandi tölfræðileg hugtök: tíðnitöflur, tíðni, tíðasta gildi, súlurit, hæsta gildi, lægsta gildi, tíðasta gildi, meðaltal, miðgildi, línurit, skífurit,

Galdrabúðin er stærðfræðileikur sem hentar börnum sem eru farin eða að byrja að leggja saman þannig að samtalan verði yfir 100. Með Galdrabúðinni fær leikmaður þjálfun í samlagningu og frádrætti í gegnum skemmtilegan og fallega myndskreyttan búðarhermi. Leikmaður stjórnar búðareigandanum og sér um að afgreiða viðskiptavinina. Viðskiptavinurinn biður um hinar ýmsu furðulegu galdravörur sem leikmaðurinn sér um að afhenda og reikna út hvað þær kosta samtals. Leikmaður tekur síðan við greiðslu og gefur til baka þegar við á.

Leikurinn svona er lífið er hermileikur þar sem notandi fer í hlutverk ungrar persónu sem er að flytja að heiman í fyrsta sinn. Markmið leiksins er að ná að þrauka í 90 daga á eigin vegum. Ef það tekst ekki þá þarf persónan að flytja aftur heim til foreldra sinna.
Það er margt sem þarf að huga að til að ná þessu markmiði. Það þarf að gæta þess að þéna næga peninga til að eiga fyrir mat, húsnæði og öðrum nauðsynjum. En peningar eru ekki það eina sem skiptir máli. Það þarf einnig að gæta upp á að fá nægan svefn, borða reglulega og muna að gera líka eitthvað skemmtilegt.
Leikurinn nýtist í fjármálfræðslu í grunnskólum og inniheldur hugmyndir til kennara um frekari verkefni.

Lærum stafina er skemmtilegt íslenskt forrit fyrir börn sem eru að læra stafina og stafrófið. Forritið er með flottum spilum (flashcards) með bókstöfum og myndum sem börnin geta tengt við stafina, samstæðuleiki til að þjálfa þekkingu á stöfunum á áhugaverðan hátt og fallegri útgáfu af Stafrófslaginu sem börnin geta sungið með.

Kveikjarinn er með gagnagrunn með meira en 5200 atriðum sem nota má sem kveikjur til að æfa ritlist og skapandi skrif. Kveikjarinn nýtist bæði í íslenskukennslu í skólum og fyrir hvern þann vill þjálfa ritunarhæfileika sína.